ಇದೀಗ ಬಂದ ಸುದ್ದಿ: ಗರ್ಭೀಣಿ ಆನೆಯ ಹತ್ಯೆಯ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ ಕೊಡುಗೈ ದಾನಿ ರತನ್ ಟಾಟಾ

ಕೇರಳದಲ್ಲಿ ಗರ್ಭಿಣಿ ಆನೆಯ ಹತ್ಯೆಗೆ ಸಂಬಂಧಿಸಿದಂತೆ ದೇಶಾದ್ಯಂತ ಭಾರೀ ಆಕ್ರೋಶ ವ್ಯಕ್ತವಾಗುತ್ತಿದೆ. ಪ್ರಾಣಿ ಪ್ರಿಯರು ಈ ವಿಚಾರಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಕೆಂಡ ಕಾರಿದ್ದಾರೆ. ಈ ಘಟನೆ ಖ್ಯಾತ ಉದ್ಯಮಿ ಹಾಗೂ ಟಾಟಾ ಸಂಸ್ಥೆಯ ಮುಖ್ಯಸ್ಥ ರತನ್​ ಟಾಟಾ ಕೂಡ ಅಸಮಾಧಾನ ತೋರಿದ್ದಾರೆ. ಇದೊಂದು ಹೀನ ಕೃತ್ಯ ಎಂದು ಜರಿದಿದ್ದಾರೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ರತನ್​ ಟಾಟಾ, 'ಕೆಲವರು ಗರ್ಭಿಣಿ ಆನೆಯ ಬಾಯಲ್ಲಿ ಸ್ಫೋಟಕ ತುಂಬಿದ ಅನಾನಸ್​ ಹಣ್ಣನ್ನು ಇಡುವ ಮೂಲಕ ಆಕೆಯ ಸಾವಿಗೆ ಕಾರಣರಾಗಿರುವುದು ಬೇಸರ ಮೂಡಿಸಿದೆ. ಮುಗ್ಧ ಪ್ರಾಣಿಗಳನ್ನು ಈ ರೀತಿ ಹತ್ಯೆ ಮಾಡುವುದು ಮತ್ತು ಮುನುಷ್ಯರ ಪೂರ್ವ ನಿಯೋಜಿತ ಕೊಲೆಗೂ ಯಾವುದೇ ವ್ಯತ್ಯಾಸವಿಲ್ಲ,' ಎಂದು ಹೇಳುವ ಮೂಲಕ ಇದೊಂದು ಘೋರ ಅಪರಾಧ ಎಂದಿದ್ದಾರೆ.