ಕೊನೆಗೂ ಶರತ್ ಬಚ್ಚೇಗೌಡರ ಮನ ಗೆದ್ದ ಯಡಿಯೂರಪ್ಪ , ಶರತ್ ಬಚ್ಚೇಗೌಡ ಬಿಜೆಪಿ ಗೆ ಸೇರ್ಪಡೆ !!

ಪರಾಜಿತ ಅಭ್ಯರ್ಥಿ ಎಂಟಿಬಿ ನಾಗರಾಜ್ ಅವರ ತೀವ್ರ ( sharath says ) ವಿರೋಧದ ನಡುವೆಯೂ ಹೊಸಕೋಟೆಯಿಂದ ಪಕ್ಷೇತರರಾಗಿ ಗೆದ್ದು ಬಂದ ಶರತ್ ಬಚ್ಚೇಗೌಡ ಬಿಜೆಪಿ ಸೇರುವುದು ಖಚಿತವಾಗಿದ್ದು ಯಾವುದೇ ಸಮಯದಲ್ಲಿ ಅವರು ಕಮಲ ಪಾಳೆಯದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಸೋಮವಾರ ವಿಧಾನ ಪರಿಷತ್ತಿನ ಒಂದು ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ, ಡಿಸಿಎಂ ಲಕ್ಷ್ಮಣ ಸವದಿ ಪರ ಮತ ಚಲಾಯಿಸಿದ ಶರತ್ ಬಚ್ಚೇಗೌಡ ಅವರು ತಾವು ಶೀಘ್ರವೇ ಬಿಜೆಪಿ ಸೇರುವುದರ ಸ್ಪಷ್ಟ ಸುಳಿವು ನೀಡಿದರು.

ಬಿಜೆಪಿ ಗೂಡಿಗೆ ವಾಪಸಾಗುವ ಬಗ್ಗೆ ಈಗಾಗಲೇ ಮಾತುಕತೆ ನಡೆದಿದ್ದು, ಅವರು ಬಹುಶಃ ಅಧಿವೇಶನದ ನಂತರ ಬಿಜೆಪಿ ಗೂಡಿಗೆ ಮರಳುವುದು ಖಚಿತವಾಗಿದೆ. ತಮ್ಮ ಚುನಾವಣಾ ಸೋಲಿಗೆ ಶರತ್ ಕಾರಣ ಎಂದು ಬೊಬ್ಬಿಡುತ್ತಿರುವ ಪರಾಜಿತ ಅನರ್ಹ ಮಾಜಿ ಶಾಸಕ ಎಂಟಿಬಿ ನಾಗರಾಜ್‌ಗೆ ಇದು ದೊಡ್ಡ ಆಘಾತ ನೀಡಲಿದೆ.

ಯಾವುದೇ ಕಾರಣಕ್ಕೂ ಶರತ್ ಬಚ್ಚೇಗೌಡರನ್ನು ಬಿಜೆಪಿಗೆ ಸೇರ್ಪಡೆ ಮಾಡಿಕೊಳ್ಳಬಾರದು ಎಂಉ ಎಂಟಿಬಿ ನಾಗರಾಜ್ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಅವರಿಗೆ ದುಂಬಾಲು ಬಿದ್ದಿದ್ದರು. ಆದರೆ ಶರತ್‌ಗೆ ಪಕ್ಷದ ದಿಲ್ಲಿ ಮುಖಂಡರ ಬೆಂಬಲ ಪ್ರಾಪ್ತವಾಗಿದ್ದು ಅವರು ಕಮಲ ಪಕ್ಷಕ್ಕೆ ಮರಳುವುದು ಶತಃಸಿದ್ಧ ಎಂದು ಹೇಳಲಾಗುತ್ತಿದೆ.