ಇದೀಗ ಬಂದ ಸುದ್ದಿ: ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಬಗ್ಗೆ ಸ್ಪೋಟಕ ಹೇಳಿಕೆ ನೀಡಿದ ಎಚ್ ವಿಶ್ವನಾಥ್.?

ಸ್ವೀಕರ್ ಅವರ ಇಂತಹ ನಿಲುವನ್ನು ನಿರೀಕ್ಷಿಸಿರಲಿಲ್ಲ. ಉತ್ತಮ ಸ್ಪೀಕರ್ ಎನಿಸಿಕೊಂಡವರೇ ಈ ರೀತಿ ನಡೆದುಕೊಳ್ಳುತ್ತಾರೆ ಎಂದು ಭಾವಿಸಿರಲಿಲ್ಲ. ಯಾರದ್ದೋ ಒತ್ತಡಕ್ಕೆ ಮಣಿದವರಂತೆ ಸ್ಪೀಕರ್ ವರ್ತಿಸಿದ್ದಾರೆ. ಇಂತಹ ಸ್ಪೀಕರ್ ನಡೆಯನ್ನು ರಾಜ್ಯದ ಜನರು ಕ್ಷಮಿಸುವುದಿಲ್ಲ ಎಂದು ಅನರ್ಹ ಶಾಸಕ ಹೆಚ್ ವಿಶ್ವನಾಥ್ ತಿಳಿಸಿದ್ದಾರೆ.

ಈ ಕುರಿತು ಮಾಧ್ಯಮಗಳಿಗೆ ಹೇಳಿಕೆ ನೀಡಿರುವ ಜೆಡಿಎಸ್ ನ ಅನರ್ಹ ಶಾಸಕ ಹೆಚ್ ವಿಶ್ವನಾಥ್, ಸ್ವೀಕರ್ ರಮೇಶ್ ಕುಮಾರ್ 17 ರಾಜೀನಾಮೆ ನೀಡಿದ್ದ ಶಾಸಕರನ್ನು ಅನರ್ಹತೆಗೊಳಿಸುವ ಮೂಲಕ ಸ್ಪೀಕರ್ ರಿಂದ ಋಣ ಸಂದಾಯವಾಗಿದೆ. ಆದರೇ ಇದನ್ನು ನಾವ್ಯಾರೂ ನಿರೀಕ್ಷಿಸಿರಲಿಲ್ಲ ಎಂದು ತಿಳಿಸಿದರು.

ಇನ್ನೂ ಮುಂದುವರೆದು ಮಾತನಾಡಿದ ಹೆಚ್ ವಿಶ್ವನಾಥ್, ಸ್ಪೀಕರ್ ರಮೇಶ್ ಕುಮಾರ್ ಉತ್ತಮ ಸ್ಪೀಕರ್ ಎಂದು ಹೆಸರು ಗಳಿಸಿದವರು, ಆದರೇ ಇಂತಹ ಉತ್ತಮ ಸ್ಪೀಕರ್ ರಮೇಶ್ ಕುಮಾರ್, ಉತ್ತಮ ಸ್ಪೀಕರ್ ಆಗಿ ನಮ್ಮ ರಾಜೀನಾಮೆ ವಿಚಾರದಲ್ಲಿ ವರ್ತಿಸಲಿಲ್ಲ. ಯಾರದ್ದೋ ಒತ್ತಡಕ್ಕೆ ಮಣಿದಂತೆ ಸ್ಪೀಕರ್ ವರ್ತಿಸಿ, ನಮ್ಮನ್ನೆಲ್ಲಾ ಅನರ್ಹಗೊಳಿಸಿದ್ದಾರೆ ಎಂದು ಕಿಡಿಕಾರಿದರು.

ರಮೇಶ್ ಕುಮಾರ್ ಅವರು ಹೀಗೆ ವರ್ತಿಸುತ್ತಾರೆ ಎಂದು ನಿರೀಕ್ಷಿಸಿರಲಿಲ್ಲ. ಅವರ ನಡೆಯನ್ನು ನಾನು ಬರೆಯುತ್ತಿರುವ ಪುಸ್ತಕದಲ್ಲಿ ಉಲ್ಲೇಖಿಸುತ್ತೇನೆ. ಇಡೀ ಬೆಳವಣೆಗೆಯನ್ನು ಅಕ್ಷರರೂಪದಲ್ಲಿ ಪುಸ್ತಕದ ಮೂಲಕ ರಾಜ್ಯದ ಜನತೆಗೆ ತೆರದಿಡಲಿದ್ದೇನೆ. ಆದರೇ ಸ್ಪೀಕರ್ ರಮೇಶ್ ಕುಮಾರ್ ನಡೆಯನ್ನು ರಾಜ್ಯದ ಜನರು ಯಾರೂ ಕ್ಷಮಿಸುವುದಿಲ್ಲ ಎಂದು ತಿಳಿಸಿದರು.