ಬಿಜೆಪಿಗೆ ಭರ್ಜರಿ ಗುಡ್ ನ್ಯೂಸ್.? ಮೂವರು ಹಾಲಿ ಶಾಸಕರು ಬಿಜೆಪಿಗೆ.?

ಪಶ್ಚಿಮ ಬಂಗಾಳದಲ್ಲಿ ತೃಣಮೂಲ ಕಾಂಗ್ರೆಸ್‌ನ ಮೂವರು ಶಾಸಕರು ಬಿಜೆಪಿ ಸೇರುವ ಸಾಧ್ಯತೆಗಳಿವೆ. ಬಿಜೆಪಿ ನಾಯಕ ಮುಕುಲ್‌ ರಾಯ್‌ ಅವರ ಪುತ್ರ ಬಿಜ್ಪುರ ಕ್ಷೇತ್ರದ ಶಾಸಕ ಸುಭ್ರಾಂಶು ರಾಯ್‌ ಅವರನ್ನು ಪಕ್ಷ ವಿರೋಧಿ ಚಟುವಟಿಕೆ ಹಿನ್ನೆಲೆಯಲ್ಲಿ ಟಿಎಂಸಿ ಆರು ವರ್ಷಗಳ ಕಾಲ ಅಮಾನತುಗೊಳಿಸಿದ ನಂತರ ಅವರು ತಂದೆಯ ಹಾದಿ ತುಳಿಯುವುದು ದಟ್ಟವಾಗಿದೆ. 

ಮುಕುಲ್‌ ರಾಯ್‌ ಸೋಮವಾರವೇ ಪುತ್ರ ಸುಭ್ರಾಂಶು ರಾಯ್‌ ಹಾಗೂ ಟಿಎಂಸಿಯ ಇನ್ನಿಬ್ಬರು ಶಾಸಕರಾದ ಶಿಭದ್ರ ದತ್ತಾ ಮತ್ತು ಸುನೀಲ್‌ ಸಿಂಗ್‌ ಅವರನ್ನು ದಿಲ್ಲಿಗೆ ಕರೆದೊಯ್ದಿದ್ದು, ಅಲ್ಲಿ ಬಿಜೆಪಿ ವರಿಷ್ಠರ ಜತೆ ಮಾತುಕತೆ ನಡೆಸಿದ್ದಾರೆಂದು ಹೇಳಲಾಗಿದೆ. ಇದಕ್ಕೂ ಮೊದಲೇ ಸುಭ್ರಾಂಶು ರಾಯ್‌, ''ಒಂದೆರಡು ದಿನದಲ್ಲಿ ಬಿಜೆಪಿ ಸೇರುತ್ತೇನೆ. 

ಆಮೇಲೆಯಾದರೂ ನನಗೆ ನಿರಾಳವಾಗಿ ಉಸಿರಾಡಲು ಅವಕಾಶ ಸಿಗುತ್ತದೆ,'' ಎಂದು ಹೇಳುವ ಮೂಲಕ ದೀದಿಗೆ ಟಾಂಗ್‌ ಕೊಟ್ಟಿದ್ದರು. ಟಿಎಂಸಿಯಲ್ಲಿ 'ದೀದಿ' ಬಳಿಕ ಸೆಕೆಂಡ್‌ ಇನ್‌ ಕಮಾಂಡ್‌ ಎಂಬಂತಿದ್ದ ಮುಕುಲ್‌ ರಾಯ್‌ 2017ರಲ್ಲಿ ಬಿಜೆಪಿ ಸೇರಿದ್ದರು.